سڈنی(نیوزڈیسک)پاکستان میں ہاکی کے کھلاڑیوں کے مالی حالات کے بارے میں توخبریں سامنے آتی رہی ہیں لیکن پاکستانی کرکٹرز کوپاکستان میں امیرطبقے میں شمارکیاجاتاہے لیکن اس کے برعکس پاکستان کے ایک کرکٹر ارشد خان ان دنوں مشکل مالی حالات کے باعث آسٹریلیا میں ٹیکسی چلانے پر مجبور ہوگئے ہیں۔ گزشتہ دنوں سوشل میڈیا پر ایک بھارتی شخص کی جانب سے انکشاف کیا گیا کہ پاکستانی کرکٹر ارشد خان مشکل مالی حالات کے باعث آسٹریلیا میں ٹیکسی چلا کر گزر بسر کرنے پر مجبور ہوگئے ہیں۔ بھارتی شخص نے بتایا ہے کہ گزشتہ دنوں وہ آسٹریلیا کے شہر سڈنی میں ٹیکسی میں بیٹھ کر جا رہے تھے جب ٹیکسی ڈرائیور کے ساتھ ان کی گفتگو ہونے لگی اور اس نے بتایا کہ وہ بھارت جا چکے ہیں جہاں وہ پاکستانی کرکٹ ٹیم اور انڈین کرکٹ لیگ میں لاہور بادشاہز کی نمائندگی کرچکے ہیں۔ بھارتی شخص نے بتایا کہ یہ سب سن کر وہ حیران ہوگئے اور جب اس نے ٹیکسی ڈرائیور کو غور سے دیکھا تو وہ یہ جان کر دنگ رہ گئے کہ ٹیکسی ڈرائیور سابق پاکستانی کرکٹر ارشد خان تھے