اسلام آباد(نیوز ڈیسک)پاکستان ہاکی فیڈریشن کے صدر اختر رسول نے اپنے عہدے سے الگ ہونے کا فیصلہ کر لیا ۔ وزیر اعظم ہاﺅس سے اشارہ ملتے ہی وہ استعفی دے دیں گے ۔ ذرائع نے بتایا کہ تحقیقاتی کمیٹی نے اولمپک کوالیفائنگ راﺅنڈ کی ناقص کارکردگی کا ذمہ دار فیڈریشن کو ٹھہرایا اور وزیر اعظم نواز سے ایکشن لینے کی بھی سفارش کی ہے اس لیے اختر رسول نے خود ہی عہدہ چھوڑنے کا فیصلہ کیا جس کے بعد ساری توجہ وہ سیاست پر مرکوز کریں گے تاہم انہیں وزیر اعظم ہاﺅس سے اشارے کا انتظار ہے ،البتہ اختر رسول چاہتے ہیں کہ فیڈریشن کے پیٹرن نواز شریف کو اعتماد میں لیکر عہدے سے الگ ہوں جس کےلئے وہ اپنا سیاسی اثر و رسوخ بھی استعمال کر رہے ہیں