مکو آ نہ(این این آئی) فیصل آبادمیں الرجی، خون کی کمی اور انفیکشن کے امراض میں مبتلا مریضوں کیلئے اہم الرٹ جاری کر دیا گیا ہے۔
محکمہ ہیلتھ اینڈ پاپولیشن کی جانب سے جاری کردہ الرٹ میں بعض ادویات کے مخصوص بیچز کو مضر صحت قرار دیتے ہوئے فوری طور پر مارکیٹ سے واپس اٹھانے کی ہدایت کی گئی ہے۔محکمہ صحت کے مطابق سفوفیراذون سوڈیم۔میکوبالامن اور ڈیکسا میتھوسون کے مخصوص بیچز انسانی صحت کیلئے نقصان دہ قرار دیے گئے ہیں۔الرٹ کے مطابق سیفوپیرازون انفیکشن کے علاج میں بطور اینٹی بائیوٹک استعمال کی جاتی ہے، جبکہ میکوبالامن خون کی کمی دور کرنے، اعصابی نظام کو بہتر بنانے اور جسم میں توانائی بحال کرنے کیلئے استعمال ہوتی ہے۔ اسی طرح ڈیکسامیتھاسون الرجی اور دیگر سوزشی امراض کے مریضوں کو تجویز کی جاتی ہے۔محکمہ صحت نے تمام میڈیکل اسٹورز، فارمیسیز اور اسپتالوں کو ہدایت کی ہے کہ ان ادویات کے متعلقہ مضر صحت بیچز فوری طور پر فروخت سے ہٹا دیے جائیں تاکہ شہریوں کی صحت کو ممکنہ خطرات سے محفوظ رکھا جا سکے
