کراچی(نیوزڈیسک)برطانوی کرکٹ بورڈ نے دانش کنیریا کے خلا ف سندھ ہائی کورٹ میں درخواست دائر کر دی ، لیگ سپنر سے دو لاکھ 49 ہزار پاونڈ جرمانے کی مد میں دلوانے کی استدعا کی گئی ہے۔سندھ ہائی کورٹ میں برطانوی کرکٹ بورڈ کی طرف سے بیرسٹر خواجہ نوید نے دانش کنیریا کے خلاف درخواست دائر کی جس میں استدعا کی گئی ہے کہ دانش کنیریا کو میچ فکسنگ کے کیس میں سزا ہو چکی ہے اور ان پر جرمانہ بھی عائد کیا گیا ہے۔دانش کنیریا سے دو لاکھ 49 ہزار پاونڈ جرمانے کی مد میں دلوائیں جائیں ، اس ضمن میں کراچی میں منقولہ اور غیر منقولہ جائیداد ضبط کی جائے ۔ واضح رہے کہ لیگ سپنر دانش کنیریا کو میچ فکسنگ کے الزام میں تاحیات پابندی عائد ہے۔