نئی دہلی (نیوز ڈیسک) بھارتی کرکٹر یوراج سنگھ نے شعیب ملک کا ڈانسنگ چیلنج قبول کرلیا ۔ یوراج نے سوشل سائٹ ”ڈبزمیش“ پر ویڈیو اپ ڈیٹ کی ہے جس میں وہ مائیکل جیکسن کے ”مون واک“ اسٹائل میں ڈانس کررہے ہیں ، ساتھ میں انہوں نے لکھا کہ ”شعیب بھائی ایسے ڈانس کیا جاتاہے اور ویسے بھی ہم تو ہمیشہ میدان میں ہی تھے ۔ انہوں نے یہ ویڈیو شعیب ملک کی جانب سے ڈانس چیلنج کے جواب میں اپ لوڈ کی ہے ، سری لنکا پر سیریز کامیابی کے بعد شعیب ملک نے اپنی اہلیہ ثانیہ مرزا اور چن دوسرے کھلاڑیوں کے ساتھ ڈانس کی ویڈیو کی تھی جس کے جواب میں یوراج نے کہا تھا کہ شعیب ملک اچھے کھلاڑی مگر برائے ڈانسر ہیں ۔ اس پر پاکستانی آل راﺅنڈر نے انہیں چیلنج کرتے ہوئے کہا تھا کہ آجاﺅ میدان میں ۔