لاہور(نیوز ڈیسک) پاکستانی اوپنر محمد حفیظ نے ون ڈے کرکٹ میں اپنے 5 ہزار رنز مکمل کر لئے، انہوں نے سری لنکا کے خلاف ون ڈے سیریز کے آخری میچ میں 37 رنز بنائے اور اپنے 5 ہزار ون ڈے رنز مکمل کئے۔ انہوں نے ون ڈے کرکٹ میں اب 5004 رنز بنا رکھے ہیں۔ انہوں نے ون ڈے کرکٹ میں 100 سے زائد وکٹیں بھی حاصل کر رکھی ہیں۔ اس طرح وہ ون ڈے میں 100 وکٹوں اور 5000 رنز کا اعزاز حاصل کرنے والے چوتھے پاکستانی کرکٹر بن گئے۔ ان سے قبل شاہد آفریدی، عبدالرزاق اور شعیب ملک بھی یہ اعزاز حاصل کر چکے ہیں۔ پانچویں ون ڈے میں سری لنکن کپتان اینجلو میتھیوز نے 3 ہزار رنز مکمل کئے اور 3 ہزار رنز اور 100 وکٹیں لینے والے آل راو¿نڈرز میں جگہ بنا لی۔