حیدرآباد دکن(نیوز ڈیسک) ون ڈے کرکٹ میں طویل عرصے کے بعد سنچری بنانے پرشعیب ملک کی اہلیہ اور بھارتی ٹینس اسٹار ثانیہ مرزا نے بھی خوشی کا اظہار کیا ہے۔اپنے ٹوئٹراکاو¿نٹ پر ثانیہ مرزا کا کہنا تھا کہ زمبابوے کے خلاف شعیب ملک کی شاندار سنچری پروہ اللہ تعالیٰ کی شکرگزار ہیں،ثانیہ نے کہا کہ وہ شعیب کی کارکردگی سے بہت خوش ہیں ،انسان کی محنت ضرور رنگ لاتی ہے۔
واضح رہے کہ قذافی اسٹیڈیم لاہور میں زمبابوے اور پاکستان کے درمیان 3 ایک روزہ میچوں کی سیریز کے پہلے میچ میں شعیب ملک نے 76 گیندوں پر 112 رنز بنائے جس میں 2 چھکے اور 12 چوکے بھی شامل تھے، شعیب ملک کی ون ڈے کیریئر کی یہ ساتویں سنچری تھی۔