لاہور (نیوز ڈیسک)زمبابوے کیخلاف دوسرے ٹی ٹوینٹی میچ سے قبل وقار یونس ماضی کی یادیں تازہ کرتے رہے اور سٹیڈیم کی پریکٹس پچ پر بولنگ کرواتے رہے۔ اس وقت دراصل پریکٹس کا ٹائم تھا اور ہیڈ کوچ کھلاڑیوں سے پہلے ہی میدان میں آگئے تھے اس لئے انہوں نے موقع کا بھرپور فائدہ اٹھایا اور خطرناک ان سوئنگ، آو¿ٹ سوئنگ گیندوں سے سٹیڈیم میں موجود تماشائیوں کو خوب متاثر کیا۔ تماشائیوں نے بھی وقار کو دل کھول کے داد دی تاہم یہ دلچسپ منظر کچھ دیر ہی باقی رہ سکا جس کے بعد کھلاڑیوں کے میدان میں اتر آنے کے بعد ہیڈ کوچ نے اپنی اصل ذمہ داری نبھانا شروع کردی۔