لاہور((نیوزڈیسک) پاکستان میں طویل عرصے کے بعد انٹرنیشنل کرکٹ کی بحالی ،شائقین کرکٹ کی بڑی تعداد قذافی اسٹیڈیم لاہور میں امڈ آئی ۔ تفصیلات کے مطابق گزشتہ روز قذافی اسٹیڈیم لاہور میں ہونے والا پاکستان اور زمبابوے کرکٹ ٹیم کے مابین پہلا ٹی ٹونٹی میچ دیکھنے کے لئے شائقین کرکٹ کئی گھنٹے پہلے ہی اسٹیڈیم پہنچ گئے ۔ بیشتر شائقین کا تعلق لاہور سے باہر مختلف شہروں سے تھا۔ شائقین کرکٹ پاکستان میں عالمی کرکٹ کی بحالی پر خوشی کا اظہار کرتے ہوئے پاکستان زندہ باد کے نعرے لگاتے رہے ۔ شائقین کی بڑی تعداد نے پاکستان کرکٹ ٹیم کی کٹ پر مبنی شرٹس اور ٹراﺅزر پہن رکھے تھے۔ شائقین کی بڑی تعداد نے اس سیریز میں پاکستان کرکٹ ٹیم کی کامیابی کیلئے دعاﺅں کا اظہار کیا اور کہا کہ انہیں ٹکٹ ملے یا نہ ملے ان کی دعائیں پاکستان کرکٹ ٹیم کیساتھ ہیں۔