لاہور (نیوز ڈیسک)وسیم اکرم اور شنائرا اکرم کا سرپرائز-پاکستانی ٹیم کے سابق کپتان وسیم اکرم اور ان کی اہلیہ شنائرا بھی آج کے میچ کے حوالے سے پرجوش ہیں، انہوں نے ٹوئٹر کے ذریعے اپنے پرستاروں کو آگاہ کیا کہ وہ میچ دیکھنے قذافی سٹیدیم ضرور جائیں گے۔ وسیم اکرم نے ٹوئٹر پر ایک تصویر بھی شیئر کی ہے جس میں وہ اپنی اہلیہ شنائرا کے ساتھ پاکستانی ٹیم کی شرٹس تھامے کھڑے ہیں، تصویر کے ساتھ انہوں نے لکھا کہ وہ میچ دیکھنے کے لئے تیاری کر رہے ہیں ایک روز قبل بھی وسیم اکرم نے ایک ٹویٹ کیا تھا جس میں انہوں نے کہا کہ وہ خود کو خوش قسمت سمجھتے ہیں کہ زمبابوے ٹیم کے دورے کے موقع پر پاکستان میں موجود ہیں اور یہ میچ دیکھیں گے، شنائرا اکرم نے بھی ان دونوں ٹویٹس کو ری ٹویٹ کیا۔