لاہور(نیوز ڈیسک)پاکستانی بولر سعدیہ یوسف نے ڈومیسٹک میچ میں تباہ کن بولنگ کرتےہوئے اپنی ٹیم کو فتح دلا دی، سعدیہ یوسف نے فاطمہ جناح ویمنز کرکٹ چیمپئن شپ کے میچ میں عمر ایسوسی ایٹس کی طرف سے حیدر آباد کے خلاف4 رنز دے کر6 کھلاڑیوں کو ٹھکانے لگایا۔ لاہور میں جاری مقابلوں میں عمر ایسوسی ایٹس نے حیدر آباد کی ٹیم کو 10 رنز سے شکست دی۔ حیدر آباد کی ٹیم سعدیہ کی شاندار بولنگ کی وجہ سے صرف 65 رنز بنا کر گھر لوٹ گئی، جواب میں عمر ایسوسی ایٹس نے بغیر کوئی وکٹ گنوائے ہدف حاصل کرلیا۔ ہائر ایجوکیشن کمیشن نے اسلام آباد کو162 رنز سے شکست دی جبکہ ملتان کی ٹیم نے کراچی کے خلاف 9 وکٹوں سے کامیابی حاصل کی۔