دبئی(نیوز ڈیسک) انٹرنیشنل کرکٹ کونسل نے ٹیسٹ کرکٹ کی سالانہ رینکنگ جاری کر دی، پاکستانی ٹیم کی تیسرے نمبر سے چھٹے پر تنزلی ہو گئی ہے۔ رینکنگ میں سالانہ رد و بدل کے بعد پاکستانی ٹیم کے پوائنٹس 104 سے کم ہو کر 97 رہ گئے۔ جنوبی افریقی ٹیم 130 پوائنٹس کے ساتھ پہلے نمبر پر ہے جبکہ آسٹریلوی ٹیم 108 پوائنٹس کے ساتھ دوسرے اور نیوزی لینڈ کی ٹیم 99 پوائنٹس کے ساتھ تیسرے نمبر پر ہے۔ بھارتی ٹیم کے بھی 99 پوائنٹس ہیں تاہم اس کی چوتھی پوزیشن ہے۔ پاکستان اور انگلینڈ کے 97,97 پوائنٹس ہیں۔ انگلش ٹیم 5ویں اور پاکستانی ٹیم چھٹے نمبر پر ہے۔ 96 پوائنٹس کے ساتھ سری لنکا کی 7ویں پوزیشن ہے۔ ویسٹ انڈیز 8ویں اور بنگلہ دیش9ویں نمبر پر ہے۔ زمبابوے کی 10ویں پوزیشن ہے۔