لاہور (نیوزڈیسک) پاکستان کرکٹ بورڈ نے نئے سینٹرل کنٹریکٹ کیلئے 24کھلاڑیوں کی فہرست تیار کرلی، مصباح الحق، شاہدآفریدی، یونس خان اور اظہر علی کو اے کیٹیگری دینے کا فیصلہ کیا گیا ہے۔ پاکستانی پلیئرز نے ورلڈ کپ سے پہلے آفر کیا گیا سینٹرل کنٹریکٹ مسترد کردیا تھا، پی سی بی کی پلیئرز کو رام کرنے کی کوششیں جاری ہیں، نیا سینٹرل کنٹریکٹ دینے کی تیاریاں مکمل کرلیں جس کے تحت تینوں طرز کے کپتانوں سمیت یونس خان کو اے کیٹیگری دی جائے گی۔فہرست حتمی منظوری کیلئے چیئرمین پی سی بی کو بھیجی جائےگی، پاکستانی پلیئرز بنگلادیش سے وطن واپسی پر سینٹرل کنٹریکٹ پر دستخط کریں گے۔ کھلاڑیوں کے پی سی بی سے نئے معاہدے کی مدت یکم جنوری سے 31دسمبر تک ایک سال کیلئے ہوگی۔