لاہور(نیوز ڈیسک)وزیراعلیٰ پنجاب شہباز شریف نے پاکستان میں انٹرنیشنل کرکٹ کی بحالی خوش آئند قرار دیتے ہوئے کہاکہ زمبابوے کی کرکٹ ٹیم کے دورہ پاکستان سے انٹرنیشنل کرکٹ کی بحالی میں اہم پیش رفت ہوگی۔وزیراعلیٰ پنجاب شہباز شریف سے پاکستان کرکٹ بورڈ کے چیئرمین شہر یار خان کی ملاقات کی، ملاقات میں کرکٹ کے کھیل کے فروغ کے حوالے سے تبادلہ خیال کیا گیا۔ اس موقع پر وزیراعلیٰ شہباز شریف کا کہنا تھا کہ کرکٹ کے فروغ کے لئے پنجاب حکومت نے گراو¿نڈز مہیا کی ہیں۔ غیرملکی کرکٹ ٹیموں کیلئے سکیورٹی کے فول پروف انتظامات کئے جائیں گے۔ وزیراعلیٰ کا کہنا تھا کہ پاکستان میں کرکٹ کا بے پناہ ٹیلنٹ موجود ہے،ضرورت اس امر کی ہے کہ انہیں نکھار کر سامنے لایا جائے۔