ڈھاکہ (نیوز ڈیسک) قومی ٹیسٹ ٹیم کے کھلاڑی بنگلہ دیش کیخلاف ٹیسٹ سیریز کیلئے ڈھاکہ پہنچ گئے ہیں۔ ڈھاکہ پہنچنے والے کھلاڑیوں میں یونس خان، بابر اعظم ، سابق کپتان مصباح الحق اور عمران خان بھی شامل ہیں۔ ٹیسٹ سکواڈ میں شامل دیگر کھلاڑی سرفراز احمد، سمیع اسلم، اسد شفق، سعید، یاسر شاہ، ذوالفقار بابر، وہاب ریاض، جنید خان اور راحت علی پہلے سے ہی ون ڈے ٹیم کے ہمراہ ڈھاکہ میں ہیں۔ پاکستان بنگلہ دیش کیخلاف سیریز کے آخری حصے میں دو میچز پر مشتمل ٹیسٹ سیریز کھیلے گا۔ اس کا پہلا میچ آئندہ ہفتے28اپریل سے شروع ہوگا جبکہ دوسرا ٹیسٹ6مئی کو شروع ہوگا۔ ٹیسٹ سیریز کا پہلا میچ کھلنا کے شیخ ابو نصیر سٹیڈیم میں ہوگا جبکہ دوسرا میچ ڈھاکہ کے شیر بنگلہ سٹیڈیم میں کھیلا جائے گا۔