ڈھاکہ (نیوزڈیسک) بنگلہ دیش نے پاکستان کیخلاف ٹی ٹونٹی اسکواڈ کا اعلان کردیا،ٹیم میں تین نئے کھلاڑیوں کو شامل کیا گیا ، پاکستان اور بنگلہ دیش کے درمیان سیریز کا واحد ٹی ٹونٹی میچ آج ( جمعہ ) کو میرپور میں کھیلا جائے گا۔ بنگلہ دیش نے پاکستان کے خلاف واحد ٹی ٹونٹی انٹرنیشنل کیلئے ٹیم کا اعلان کردیاگیا ہے ۔ بنگلہ دیش نے ٹی ٹونٹی اسکوڈ میں تین نئے کھلاڑیوں کو شامل کیاہے۔ نئے کھلاڑیوں میں رونی تعلقدار،مستفیض الرحمن اور لیٹن داس شامل ہیں۔ جبکہ فاسٹ بولر روبیل حسین اور مومن الحق ڈراپ کوکردیا گیا ہے۔پاکستان اور بنگلہ دیش کے درمیان واحد ٹی ٹونٹی میچ آج ( جمعہ ) کھیلا جائے گا۔ اوپنر رونی تعلقدار ون ڈے اسکواڈ میں بھی شامل تھے۔ لیکن انہیں ڈیبیو کا موقع نہیں ملا،جبکہ لیٹن داس کو ڈومیسٹک کرکٹ میں شاندار بیٹنگ کی وجہ سے موقع دیا گیاہے۔ لیفٹ آرم فاسٹ بولر مستفیض الرحمن کو انڈرنائنٹین اور اے ٹیم کیلئے عمدہ بولنگ کی بدولت ٹیم میں شامل کیا گیا ہے۔ ٹی ٹونٹی اسکواڈ کے دیگر کھلاڑیوں میں کپتان مشرفی مرتضی، شاکب الحسن،سومیا سرکار،تمیم اقبال، مشفیق الرحیم، محمود اللہ، ناصر حسین، تسکین احمد، صابر رحمن ،عرفات سنی اورابوالحسن شامل ہیں۔