ایڈیلیڈ(نیوز ڈیسک)شاہد آفریدی کا 400ون ڈے میچ کھیلنے اور 400وکٹیں لینے کا خواب ادھورا رہ گیا ۔بوم بوم آفریدی کیریئر کے آخری ورلڈ کپ کو یاد گار نہ بنا سکے ۔ ورلڈ کپ کے آغاز سے قبل انہیں چار سو وکٹوں کا سنگ میل عبور کرنے کیلئے 7 وکٹیں درکار تھیں مگر وہ 7 میچز میں محض 2 وکٹیں ہی حاصل کر پائے ۔ بیٹنگ میں بھی وہ قوم کی امیدوں پر پورا نہ اتر سکے اور 7 میچز میں 23.20 کی اوسط سے 116 رنز بنائے ۔ 35 سالہ آفریدی نے 19 سالہ کیریئر میں 398 ایک روزہ میچز میں پاکستان کی نمائندگی کی۔