ایڈیلیڈ(نیوز ڈیسک) پاکستان ٹیم کے وکٹ کیپر سرفراز احمد کا کہنا ہے کہ آسٹریلوی ٹیم ہوم گراﺅنڈ میں زیادہ دباﺅ کا شکار ہوگی، سنچری بنانے سے اعتماد میں اضافہ ہوا ہے۔ایڈیلیڈ میں میڈیا سے گفتگو کرتے ہوئے پاکستان ٹیم کے وکٹ کیپر سرفراز احمد نے کہا کہ آئرلینڈ کیخلاف سنچری بنانے سے انکے اعتماد میں مزید اضافہ ہوا ہے،پاکستان ٹیم کو آسٹریلیا کیخلاف اچھا آغاز فراہم کرنامیری اصل ذمہ داری ہوگی۔سرفراز احمد کا کہنا تھا کہ آسٹریلوی ٹیم کے بولرز کا پہلے بھی سامنا کرچکے ہیں، انکی بولنگ کا سامنا کرنا چیلنج ہوگا۔وکٹ کیپر کے مطابق پاکستان کے بجائے آسٹریلوی ٹیم پر زیادہ دباﺅ کا سامنا ہوگا،آسٹریلوی شائقین کو اپنی ٹیم سے زیادہ توقعات وابستہ ہیں۔