کراچی (نیوزڈیسک) سرفراز احمد کی ورلڈکپ میں شاندار کارکردگی کے بعد ’پریم اکاﺅنٹ‘ بھی کھل گیاہے اور اداکارہ نیلم منیر نے شرماتے شرماتے اپنی پسند کا اظہار کردیا۔نجی ٹی وی چینل کے پروگرام میں ماڈل اور اداکارہ نیلم منیر کاکہناتھاکہ سچ مچ کی شادی تاحال نہیں ہوئی ،انڈسٹری میں بیشترادکاراوں نے شادی کرلی لیکن اگر کوئی اچھی لڑکی ہے توا±سے گھومنے پھرنے دیں ، کوئی مل جائے توکیا پتہ ، شادی کرلوں۔
مزید پڑھئے: ایک مرتبہ میچ فکسنگ کی خبر ملی تھی : عمران خان
ایک سوال کے جواب میں نیلم حسین کاکہناتھاکہ چند پلیئرز کی وجہ سے کرکٹ دیکھتی ہوں ، بلکہ ایک ہی ہے ، سکرین پر چار پانچ کھلاڑیوں کو دیکھا، کون ہے وہ اس سوال کا جواب رہنے دیں ، لوگ پتہ نہیں کیا سمجھیں گے ، سب کو پتہ ہے کہ سرفراز اچھاہے اور وہ بھی اس کی تائید کرتی ہیں۔پروگرام کے میربان عمرشریف کاکہناتھاکہ سرفراز کا اکاﺅٹ بھی کھل گیا، لڑکیاں پسند کرنے لگیں ، انڈیا نے بھی بہت چلایاکہ سرفرا ز کبھی دھوکہ نہیں دے گا جواچھی بات ہے۔
مزید پڑھئے: ہر میچ میں کشتیاں جلا کر جانا ہوگا
یہ بھی یادرہے کہ کرکٹ اورشوبز کاچولی دامن کا ساتھ رہا، درازقامت بالی ووڈحسینہ سشمیتاسین پاکستان کے سابق کپتان وسیم اکرم کے گرد پانی بھرتی دکھائی دیں تو کبھی سیالی بھگت شعیب ملک کے چوکوں چھکوں کی گرویدہ نظرآئیں۔ اِسی طرح میراشعیب اختر سے دوستی کے گن گاتی دکھائی دیں تو ویناملک اورآصف کی دوستی کے چرچے بھی رہے جبکہ حالیہ دنوں میں انوشکاشرمااور ویرات کوہلی کا معاشقہ بھی زبان زدعام ہے۔اس لیے نیلم منیر کی پسندپر زیادہ سنجیدہ ہونے کی ضرورت نہیں۔
