اسلام آباد (نیوز ڈیسک) پاکستان فٹ بال فیڈریشن کے سیکرٹری جنرل کرنل (ر) احمد یار لودھی نے کہا ہے کہ قومی ٹیم عالمی فٹ بال کپ پری کوالیفائنگ راﺅنڈ میں یمن کے خلاف میچ میں عمدہ کارکردگی کا مظاہرہ کرے گی، کھلاڑیوں نے تربیتی کیمپ کے دوران بھر پور محنت کر رکھی ہے اور امید ہے کہ وہ بہترین نتائج کے ساتھ قطر سے واپس وطن لوٹے گی۔ انہوں نے کہا کہ پری کوالیفائنگ راونڈ میں قومی ٹیم ، یمن کے خلاف ہوم اینڈ اوے کی بنیاد پر دو میچ کھیلے گی، پہلا میچ (آج) جمعرات کو دوحہ ، قطر میں کھیلا جائے گا جبکہ دوسرا میچ 17 مارچ کو لاہور میں کھیلا جائے گا۔