لاہور(نیوزڈیسک) ورلڈکپ 2015ءکے آغاز میں ٹیم کی ناقص کارکردگی کی وجہ سے بورڈآفیشلز پر میچ فکسنگ کا الزام لگانے پر پاکستان کرکٹ بورڈ(پی سی بی) نے سابق فاسٹ بالر سرفراز نواز کو عہد ے سے فارغ کرنے کافیصلہ کرلیاہے۔ نجی ٹی وی چینل کے مطابق ٹیم کی کارکردگی بہترہونے کے بعدسرفراز نواز کے الزامات پر پی سی بی حرکت میں آگیاہے اور سابق فاسٹ بالر سرفراز نواز کو عہدے سے فارغ کرنے کا فیصلہ کرلیاہے اور ان کا معاہدہ 13مارچ کو ختم کیے جانے کا قوی امکان ہے۔یادرہے کہ سرفراز نواز پی سی بی نارتھ زون کے بولنگ کنسلٹنٹ ہیں۔