ہملٹن (نیوز ڈیسک)ورلڈ کپ پول بی کے اہم میچ میں آئرلینڈ کی جانب سے 260 رنز ہدف کے تعاقب میں بھارتی ٹیم نے دھواں دار اننگ سے آغاز کیا اور بغیر کسی نقصان 19 اوورز میں 143 رنز بنالیے.بھارت کی جانب سے اوپننگ بلے باز روہت شرما 56 اور شیکھر دھون 70 رنز کے ساتھ وکٹ پر موجود ہیں.ہملٹن کے سیڈن پارک میں جاری پول بی کے میچ میں آئرلینڈ کی ٹیم نے ٹاس جیت کر پہلے بیٹنگ کا فیصلہ کیا۔ ایک اوور قبل ہی 259 رنز پر آو¿ٹ ہونے کے باوجود آئرش ٹیم نے بھارت کے خلاف ون ڈے کرکٹ کا بہترین سکور بنا ڈالا۔ نیل اوبرائن ون ڈے کیرئیر کی 14 ویں نصف سنچری مکمل کر کے 75 رنز کے ساتھ ٹاپ سکورر رہے۔ ولیمز پورٹر فیلڈ بھی کیریر کی 11 ویں ففٹی مکمل کر کے 67 رنز کی اننگز کھیلنے میں کامیاب ہوئے۔