لاہور (نیوز ڈیسک)پاکستان کرکٹ ٹیم کے سابق کھلاڑی سرفراز نواز نے کہا ہے کہ کرکٹ بورڈ میں جواری اور میچ فکسر بیٹھے ہوئے ہیں۔نجی ٹی وی سے بات کرتے ہوئے سرفراز نواز کا کہنا تھا کہ نجم سیٹھی نے کروڑوں کی مالیت کا لندن میں فلیٹ خریدا ہے۔انہوں نے سوال اٹھایا کہ ان کے پاس اتنے پیسے کہاں سے آئے نجم سیٹھی کو جواب دینا چاہیئے۔ان کا کہنا تھا کہ ٹیم جیتے یا ہارے بورڈ کو کوئی فرق نہیں پڑتا کیونکہ ٹیم مینجمنٹ سمیت کرکٹ بورڈ میں جواری بیٹھے ہیں جبکہ اپنے دور میں بھی میچ فکس کرنے والے آج بورڈ کے اہم عہدوں پر تعینات ہیں۔سرفراز نواز کا کہنا تھا کہ کرکٹ بورڈ کو جواریوں اور میچ فکسروں سے پاک کرنے کی ضرورت ہے ، اور جب تک یہ کام نہیں کیا جاتا تب تک پاکستان ٹیم سے کسی کامیابی کی امید رکھنا ناممکن ہے۔