اسلام آباد (نیوز ڈیسک) گوجرانوالہ بلائنڈ کرکٹ کلب کے زیراہتمام اور پاکستان بلائنڈ کرکٹ کونسل کے تعاون سے پہلی ٹی 20 بلائنڈ کرکٹ سپر لیگ 3 سے 8مارچ تک گوجرانوالہ ‘ سیالکوٹ اور گجرات میں ایک ساتھ شروع ہوگا۔ پاکستان بلائنڈ کرکٹ کونسل کے چیئرمین اور ورلڈ بلائنڈ کرکٹ کونسل کے صدر سید سلطان شاہ نے بتایا کہ سپر لیگ میں ملک بھر سے پانچ ٹیمیں حصہ لے رہی ہیں جن میں کے پی کے پینتھر ‘ اسلام آباد لیپرڈز‘ کشمیر ایگلز ‘ پنجاب لائنز اور سندھ ڈولفنز شامل ہیں۔ انہوں نے کہا کہ لیگ میں شاندار کارکردگی کا مظاہرہ کرنے پر کھلاڑیوں کو 6 ماہ کے سینٹرل کنٹریکٹ میں شامل میں کیا جائے گا۔