لاہور(نیوز ٹو ڈے)پاکستانی آف سپنر سعید اجمل کا کہنا ہے کہ ویسٹ انڈیز کی ٹیم پہلے جتنی اچھی نہیں ہے ،قومی ٹیم اعتماد سے کھیلے تو کل میچ جیت سکتی ہے۔ کرکٹ دیوانگی “میں گفتگو کرتے ہوئے انہوں نے کہا ویسٹ انڈیز کی بیٹنگ اچھی ہے لیکن باو¿لنگ کافی کمزور ہے ،پاکستان کی ٹیم ویسٹ انڈیز سے بہتر ہے ،میچ میں یاسر شاہ کو لازمی کھلایا جائے۔ سعید اجمل نے کہا کہ یو اے ای کی ٹیم میں شامل لڑکے جاب کرتے ہیں اور باقاعدہ کھلاڑی نہیں ہیں ا ن کی زمبابوے کیخلاف پرفارمنس شاندار تھی ،باو¿لنگ تھوڑی کمزور رہی تاہم بلے بازوں نے کافی متاثر کیا۔سرفراز نواز نے کہااگر ویسٹ انڈیز کے خلاف میچ میں وکٹ پر گھاس ہوا تو یاسر کی جگہ احسان عادل کو کھلائیں،ٹیم کو بائیں ہاتھ کے ایک لیگ سپنر کی اشد ضرورت ہے ،حارث سہیل کو پارٹ ٹائم باو¿لر کے طور پرہی استعمال کیا جائے۔ہماری ٹیم کو پچ کی مناسبت سے بیٹنگ کرنا ہوگی ،بھارت کیخلاف بھی کوئی لمبی پارٹنر شپ بن جاتی تو ہم میچ جیت جاتے۔سرفراز نواز نے انکشاف کیا کہ انہیں بھارت سے فون آتے ہیں ،وہ لوگ بتاتے ہیں کہ اس طرح کے میچ میں ایک میڈن اوور کھیلنے کا بکی 15کروڑ روپے دیتے ہیں ،ہمارے انٹی کرپشن یونٹ کو آنکھیں کھلی رکھنی ہوں گی ور اس قسم کی چیزوں کو دیکھنا ہوگا۔عمران نذیر نے کہا کہ یواے ای کے کھلاڑیوں نے زمبابوے کے خلاف اچھی کرکٹ کھیلی ،عاقب جاوید اور مدثر نذر نے ان پر بہت محنت کی ہے اور وہ ورلڈ کپ میں اپ سیٹ کرسکتے ہیں۔