برسبین(نیوز ڈیسک) ورلڈ کپ میں پے در پے شکستوں پر غور کے لئے قومی کرکٹ ٹیم کے کھلاڑی اور آفیشلز آج سر جوڑ کر بیٹھیں گے۔ورلڈ کپ میں شرکت کے لئے آسٹریلیا میں موجود پاکستانی کرکٹ ٹیم کے میڈیا منیجر آغا اکبر کے مطابق برسبین میں قومی ٹیم کا پریکٹس سیشن منسوخ کردیا گیا ہے تاہم کھلاڑی جمنازیم میں معمول کی ورزش کریں گے۔ پریکٹس کے بجائے قومی ٹیم کے کھلاڑی اور آفیشلز کے درمیان میٹنگ ہوگی جس میں کھلاڑیوں پر زور دیا جائے گا کہ وہ اگلے میچز میں بہتر کارکردگی کو یقینی بنائیں۔واضح رہے کہ پاکستانی ٹیم کا اگلا میچ یکم مارچ کو زمبابوے کے خلاف برسبین میں ہے، اگر ٹیم یہ میچ بھی ہار گئی تو اسے وطن واپسی کا منہ دیکھنا پڑسکتا ہے۔