اسلام آباد(مانیٹرنگ ڈیسک)موجودہ دور میں استعمال کی جانے والی چیزیں کو اگر اپنی زندگیوں سے خارج کردیں تو یقیناً ہمیں کئی مشکلات کا سامنا کرنا پڑے گا۔یہ تمام چیزیں اب ہماری زندگیوں کا اہم جُز بن چکی ہیں اور اب ان کے بغیر زندگی گزارنا ناممکن ہے۔ان ایجادات کےلئے ہمیں ماضی کے مسلم سائنسدانوں کا شکرگزار ہونا چاہیئے کیونکہ اگر وہ ان چیزوں کو ایجادنہ کرتے تو آج ہماری زندگی اتنی آسان نہیں ہوتی۔

آج ہم آپ کو مسلمان سائنسدانوں کی ان ایجادات کے بارے میں بتائیں گے جنہوں نے دنیا کو بدل کر رکھ دیا ہے۔ذیل میں ان ایجادات کا ذکر کیا جارہا ہے۔ کافی:دنیا میں روزانہ تقریباً 1 اعشاریہ 6 کافی کے کپ پیئے جاتے ہیں لیکن اس بات سے بہت کم لوگ واقف ہیں کہ جس چیز کے بغیر ان کی زندگی نامکمل ہے وہ اصل میں مسلمانوں نے ایجاد کی ہے۔کافی 15ویں صدی میں یمن میں دریافت ہوئی اور پھر یہ سلطنت عثمانیہ تک مشہور ہوگئی۔ الجبرا:الجبراایرانی مسلم سائنسدان اور ریاضی دان محمد ابن موسیٰ الخوارزمی نے متعارف کروائی۔ انہوں نے اپنی زندگی عراق اور ایران میں گزاری۔یونیورسٹیاں:پہلا مدرسہ ‘ القرويين’ فاطمہ الفہری نے مراکش کے شہر فاس میں تعمیر کیا۔ڈگری فراہم کرنے والی پہلی یونیورسٹی الاظہرمصر کے شہر قاہرہ میں تعمیر ہوئی۔ کیمرہ:مسلم سائنسدان ابن الہیشم 11ویں صدی میں آپٹکس کی فیلڈ ایجاد کی اور یہ بھی بتایا کہ کیمرہ کیسے کام کرتا ہے۔جہاز:مسلم سائنسدان عباس ابن فرناس نے اسپین کے شہر کورڈوبامیں پرندوں کی اُڑان سے متاثر ہوکر ان کے پروں جیسی ایک چیز تخلیق کی۔ وہ ان پروں کو پہن کر چند لمحوں تک ہوا میں اڑے۔

موضوعات:ایجادات جہاز مسلمان