ایک عورت مکمل پردے کے عالم میں قاضی کے سامنے کھڑی تھی۔ اس نے اپنے شوہر کے خلاف مقدمہ دائر کر رکھا تھا۔ مقدمے کی نوعیت بڑی عجیب تھی کہ میرے شوہر کے ذمہ مہر کی 500 دینار رقم واجب الاداء ہے وہ ادا نہیں کر رہا ۔لہٰذا مجھے مہر کی رقم دلائی جائے۔

قاضی نے خاوند سے پوچھا تو اس نے انکار کر دیا۔ عدالت نے عورت سے گواہ طلب کیے۔ عورت نے چند گواہ عدالت میں پیش کر دیے۔گواہوں نے کہا۔ہم اس عورت کا چہرہ دیکھ کر ہی بتا سکتے ہیں کہ یہ واقعی وہ عورت ہے جس کی گواہی دینے ہم آئے ہیں۔لہٰذاا عورت کو حکم دیا جائے کہ وہ اپنے چہرے سے نقاب ہٹائے۔عدالت نے حکم دیا کہ عورت اپنے چہرے سے نقاب اتارے تاکہ گواہ شناخت کر سکیں ادھر عورت تذبذب کا شکار تھی کہ وہ نقاب اتارے یا نہیں۔گواہ اپنے موقف پر مصر تھے۔اچانک اس کے شوہر نے غیرت میں آکر کہاکہ مجھے قطعاً یہ برداشت نہیں کہ کوئی غیر محرم میری بیوی کا چہرہ دیکھے۔لہٰذا گواہوں کو چہرہ دیکھنے کی ضرورت نہیں ۔ واقعی اس کے مہر کی رقم میرے ذمہ واجب الاداء ہے۔عدالت ابھی فیصلہ دینے والی ہی تھی کہ وہ عورت بول اٹھی۔اگر میرا شوہر کسی کو میرا چہرہ دکھلانا برداشت نہیں کرتا تو میں بھی اسکی توہین برداشت نہیں کر سکتی. میں اپنا مہر معاف کرتی ہوں۔ میں غلطی پر تھی جو ایسے شخص کے خلاف مقدمہ دائر کیا۔ عورت اپنی زندگی میں دو مردوں کو کبھی نہیں بھولتی۔ ایک وہ جو اس سے محبت کرتا ہے دوسرا وہ جو اس کی عزت کرتا ہے۔ مگر ہمیشہ پلڑا اس کا بھاری رہتا ہے جو عزت کرتا ہے۔