اسلام آباد(این این آئی)وفاقی حکومت نے پیٹرولیم مصنوعات کی قیمتوں میں معمولی کمی کا اعلان کردیا ہے۔

وزارت پیٹرولیم کے نوٹیفکیشن کے مطابق پیٹرول کی فی لیٹر قیمتمیں6روپے کمی کی گئی ہے، جس کے بعد پیٹرول کی نئی قیمت 403روپے 78پیسے فی لیٹر ہوگئی ہے۔اس کے علاوہ ڈیزل کی فی لیٹر قیمت میں 6روپے 80پیسے کمی کی گئی ہے، جس کے بعد ڈیزل کی نئی قیمت 402روپے 78پیسے فی لیٹر ہوگئی ہے۔وزارت پیٹرولیم کے نوٹیفکیشن کے مطابق نئی قیمتوں کا اطلاق رات 12بجے سے آئندہ 7روز کیلئے ہوگیاہے۔وزارت پیٹرولیم نے کہا کہ نئی قیمتوں کا تعین وزیراعظم شہباز شریف کی منظوری سے کیا گیا۔یاد رہے کہ گزشتہ جمعے حکومت نے پیٹرول اور ڈیزل کی قیمت میں فی لیٹر 5روپے کمی کی تھی۔