اسلام آباد (نیوز ڈیسک)حکومت پنجاب نے عیدالاضحیٰ کے موقع پر صوبے بھر میں سرکاری تعطیلات کا باقاعدہ اعلان کر دیا ہے۔
جاری نوٹیفکیشن کے مطابق پنجاب میں 26 مئی سے 28 مئی تک تمام سرکاری ادارے بند رہیں گے۔صوبائی حکومت کے اعلامیے میں بتایا گیا ہے کہ منگل، بدھ اور جمعرات کے روز سرکاری دفاتر، محکمے اور دیگر سرکاری ادارے تعطیل کی وجہ سے بند رہیں گے، جبکہ ضروری اور ہنگامی خدمات معمول کے مطابق جاری رکھی جائیں گی۔
دوسری جانب خیبرپختونخوا حکومت نے بھی عیدالاضحیٰ کے سلسلے میں چار روزہ تعطیلات کا اعلان کیا ہے۔ صوبے میں 26 مئی سے 29 مئی تک سرکاری دفاتر اور تعلیمی ادارے بند رہیں گے۔ حکام کے مطابق ہفتہ اور اتوار کی چھٹیاں شامل ہونے سے شہریوں کو مجموعی طور پر چھ دن کی تعطیلات میسر آئیں گی۔
عید کی چھٹیوں کے اعلان کے بعد عوام میں خوشی کی لہر دیکھی جا رہی ہے اور لوگ خریداری، سفر اور دیگر تیاریوں میں مصروف ہیں۔ مویشی منڈیوں، بازاروں اور ٹرانسپورٹ اڈوں پر رش میں بھی نمایاں اضافہ دیکھا جا رہا ہے۔
ماہرین کا کہنا ہے کہ طویل تعطیلات کے باعث بین الصوبائی سفر بڑھنے کا امکان ہے، جس کے پیش نظر متعلقہ اداروں کو ٹریفک مینجمنٹ اور سکیورٹی انتظامات مؤثر بنانے کی ہدایات جاری کر دی گئی ہیں۔
