کراچی(این این آئی)ڈائریکٹرسائیکلون وارننگ سینٹر نے کراچی میںجمعرات طوفانی بارش کی پیش گوئی کرتے ہوئے بارش کے ابتدائی 2 گھنٹے خطرناک قرار دے دیئے۔تفصیلات کے مطابق بپھرا ہوا بپرجوائے ساحل کی طرف بڑھ رہاہے، طوفان کے مرکز اور اطراف میں اٹھنے والی تیس فٹ اونچی لہریں اور ایک سوستر کلومیٹر فی گھنٹہ کی ہوائیں خطرے کی گھنٹی بجارہی ہیں۔
ڈائریکٹرسائیکلون وارننگ سینٹر نے بتایا طوفان سے کراچی بھی شدید متاثرہوگا، جمعرات کو تیزہواوں کے ساتھ موسلادھار بارش ہوگی، اور ابتدائی دو گھنٹے خطرناک ہوں گے۔انہوں نے کہاکہ کراچی میں جمعرات کو پہلے ایک گھنٹے کی بارش بہت شدید ہوگی ، پہلے گھنٹے میں 60 سے 70ملی میٹر بارش کا امکان ہے تاہم بارش وقفے وقفے سے ہفتے تک جاری رہے گی۔
