احمدیار(این این آئی )مسلح افراد نے واپڈا ٹیم پر حملہ کردیا،سرکاری گاڑی کے شیشے توڑ کرملازمین کوحبس بے جا میں رکھ لیا، بازیاب کروانے والی پولیس پارٹی پر ملزم کی فائرنگ سے سب انسپکٹر سمیت 4 پولیس اہلکارزخمی ہوگئے جبکہ ملزم کوزخمی حالت میں گرفتارکرلیاگیا۔
تفصیلات کے مطابق نواحی گائوں 33/EBمیں رانا دائود ، رانا فیاض اور عامر فیاض نے بجلی کا کنکشن کاٹنے پر واپڈ ا ملازمین کو سرکاری گاڑی کے شیشے توڑ کر یرغمال بنالیا ،ون فائیو پر اطلاع ملتے ہی تھانہ صدر اور ایلیٹ فورس ملازمین جائے وقوع پر پہنچ گئے تو ملزم رانا دائود نے پولیس پارٹی پر فائرنگ شروع کردی جس کے نتیجہ میں سب انسپکٹر مختار احمد ، ایلیٹ فورس کے کانسٹیبلان ندیم ، نعمان اور پولیس کانسٹیبل غلام مرتضیٰ زخمی ہوگئے،
ملزم قریبی فصل مکئی میں چھپ گیا، پولیس کی مزید نفری طلب کرکے ملزم رانا دائود کو زخمی حالت میں گرفتارکرکے بندوق12 بور اورتھیلا کارتوس برآمد کرلئے، تمام زخمیوںکو فوری طبی امدادکیلئے تحصیل ہیڈکوارٹرہسپتال عارفوالا منتقل کردیا گیا،تھانہ صدر عارفوالا میں مقدمہ درج کرلیاگیاہے۔
