اسلام آباد (این این آئی) ترجمان جے یو آئی (ف) اسلم غوری نے کہا ہے کہ آڈیو ویڈیو لیکس پر سیاست بھی عمران نیازی کی مجرمانہ ذہنیت کی وجہ سے ہورہی ہے۔ اپنے بیان میں اسلم غوری نے کہاکہ آڈیو لیک کمیشن پر عمران نیازی کے تحفظات پر تحفظات ہیں۔ترجمان نے کہاکہ آڈیو ویڈیو لیکس پر سیاست بھی عمران نیازی کی مجرمانہ ذہنیت کی وجہ سے ہورہی ہے۔

اسلم غوری نے کہاکہ ہرغیر اخلاقی اور غیر آئینی سازشوں کے پس منظر میں نیازی اینڈ کمپنی کا نام ضرور آتا ہے۔اسلم غوری نے کہاکہ عمران نیازی گٹھ جوڑ اور سازشوں کے بل بوتے پر سیاست کر رہا ہے۔ترجمان جے یو آئی نے کہاکہ عمران نیازی معزز عدالت کے ججز کے درمیان بھی تفریق پیدا کرنے کی کوشش کر رہا ہے۔اسلم غوری نے کہاکہ آڈیو لیک کمیشن کی تحقیقات سے گھناؤنے کردار بے نقاب ہو جائیں گے۔

موضوعات:جے یو آئی