اسلام آباد (نیوز ڈیسک) سونے کی قیمتوں میں عالمی اور ملکی مارکیٹ میں اتار چڑھاؤ کے بعد ایک بار پھر نمایاں تیزی ریکارڈ کی گئی ہے۔

آل پاکستان صرافہ ایسوسی ایشن کے جاری کردہ اعداد و شمار کے مطابق پاکستان میں 24 قیراط سونے کی فی تولہ قیمت میں 4 ہزار 300 روپے کا اضافہ ہوا، جس کے بعد نئی قیمت 4 لاکھ 41 ہزار 636 روپے ہوگئی۔اسی طرح 10 گرام سونے کی قیمت بھی 3 ہزار 686 روپے بڑھ گئی، جس کے بعد 10 گرام سونا 3 لاکھ 78 ہزار 631 روپے میں فروخت ہونے لگا۔دوسری جانب ملک میں چاندی کے نرخوں میں بھی معمولی اضافہ دیکھا گیا۔

فی تولہ چاندی کی قیمت 20 روپے بڑھ کر 6 ہزار 578 روپے ہوگئی۔عالمی بلین مارکیٹ میں بھی سونے کی قیمت میں تیزی کا رجحان برقرار رہا۔ بین الاقوامی مارکیٹ میں فی اونس سونا 43 ڈالر اضافے کے بعد 4 ہزار 191 ڈالر کی سطح پر پہنچ گیا۔