لاہور( این این آئی)ایس ایس پی انویسٹی گیشن انوش مسعود نے کہا ہے کہ جناح ہائوس میں گھسنے والوں پر آرمی ایکٹ لگ سکتا ہے،9 مئی کے واقعات میں گرفتار ملزمان لیڈرشپ سے رابطے میں تھے۔نجی ٹی وی سے گفتگو کرتے ہوئے انہوں نے کہا کہ لیڈر شپ 9 مئی کے واقعات میں ملزمان کی رہنمائی کررہی تھی، جناح ہائوس میں گھسنے والوں پر آرمی ایکٹ لگ سکتا ہے۔

جناح ہائوس حملے میں ملوث کسی بھی شرپسند کو نہیں چھوڑا جائے گا، حملے میں ملوث تمام عناصر کی شناخت کرلی گئی ہے۔ملزمان کے رابطے قیادت کے ساتھ تھے، وہ ان کی رہنمائی کر رہے تھے، جناح ہائوس کے اندر توڑ پھوڑ کرنے والوں پر آرمی ایکٹ نافذ ہوسکتا۔انوش مسعود نے کہا کہ گرفتار خواتین کے ساتھ بدسلوکی نہیں کی جا رہی، خواتین سے لیڈیز پولیس تفتیش کررہی ہے۔