اسلام آباد (این این آئی)سول ایوی ایشن اتھارٹی ( سی اے اے )نے طیاروں کو پرندوں کے ساتھ تصادم سے بچانے کا منصوبہ بنالیا۔ذرائع کے مطابق سی اے اے نے ملک کے بڑے ائیرپورٹس پر برڈ ریپیلنٹ سسٹم لگانے کا فیصلہ کر لیا ہے۔

سی اے اے نے برڈ ریپیلنٹ سسٹم لگانے کے لیے بین الاقوامی سطح پر ٹینڈر بھی جاری کر دیا، جس کے مطابق کراچی ، اسلام آباد اور لاہور ائیرپورٹس پر برڈ ریپیلنٹ سسٹم لگے گا۔ذرائع کے مطابق سی اے اے کی ٹینڈر سکیورٹی فیس 5 کروڑ 29 لاکھ روپے درخواست کے ساتھ جمع کرانے کی ہدایت کی گئی ہے، ائیرپورٹس پر برڈ ریپیلنٹ سسٹم لگنے سے طیاروں کے محفوظ فلائٹ آپریشن میں مدد ملے گی۔ذرائع کے مطاقب طیاروں سے پرندے ٹکرانے سے ائیرلائنز کو سالانہ کئی ملین ڈالرز کا نقصان ہوتا ہے، ہر سال پاکستان کے ائیرپورٹس پر طیاروں سے پرندے ٹکرانے کے درجنوں واقعات رپورٹ ہوتے ہیں، طیاروں سے پرندے ٹکرانے سے بڑے حادثے کا خدشہ ہوتا ہے۔دنیا بھر میں بڑے ائیرپورٹس پر پرندوں سے طیاروں کو محفوظ رکھنے کے لیے برڈ ریپیلنٹ سسٹم نصب ہے۔