لاہور (این این آئی)مسلم لیگ (ن )کی سینئر نائب صدر اور چیف آرگنائزر مریم نواز سعودی عرب سے (آج) بدھ کو واپس پاکستان پہنچ جائیں گی۔تفصیلات کے مطابق مریم نواز عمرے کی ادائیگی کے لئے سعودی عرب گئی تھیں۔سعودی عرب میں مریم نواز نے اپنے والد نواز شریف اور دیگر اہلِ خانہ کے ساتھ عمرہ ادا کرنے کے بعد عید بھی وہیں منائی۔واضح رہے کہ مریم نواز 11 اپریل کو اپنی فیملی کے ہمراہ عمرے کی ادائیگی کے لئے سعودی عرب روانہ ہوئی تھیں، مریم نواز کے شوہر محمد صفدر، دونوں بیٹیاں ماہ نور اور مہرالنساء ، بیٹا جنید اور بہو عائشہ سیف بھی ان کے ہمراہ تھے۔