اسلام آباد (مانیٹرنگ ڈیسک) شوال کا چاند دیکھنے کیلئے مرکزی رویت ہلال کمیٹی کا اجلاس اسلام آباد میں ہوا،چیئرمین مرکزی رویت ہلال کمیٹی مولانا عبدالخبیر آزاد اجلاس کی صدارت کی، اجلاس میں مرکزی رویت ہلال کمیٹی کے ارکان، محکمہ موسمیات کے نمائندے اور سپارکو کے نمائندے بھی شریک ہوئے،اس کے علاوہ لاہور، پشاور اور کوئٹہ میں بھی زونل رویت ہلال کمیٹی کے اجلاس منعقد ہوئے، چیئرمین رویت ہلال کمیٹی مولانا عبدالخبیر آزاد نے ملک بھر سے موصول ہونے والی شہادتوں کی بنیاد پر اعلان کیا کہ شوال کا چاند نظر نہیں آیا ہے لہٰذا عیدالفطر بروز ہفتہ 22 اپریل کو ہو گی، واضح رہے کہ محکمہ موسمیات اور فلکیاتی ماہرین یہ امکان ظاہر کر چکے تھے کہ آج چاند نظر آنا مشکل ہے اور عید الفطر ہفتے کو ہو گی۔