اوتھل (این این آئی) وڈھ کے قریب ٹریفک کا المناک حادثہ لسبیلہ پولیس کے 6 جوان شہید ہوگئے،پولیس اہلکار کوئٹہ میں ٹریننگ کے بعد عیدالفطر کی چھٹیوں کے سلسلے میں کارمیں اپنے آبائی ضلع لسبیلہ کے شہر بیلہ آرہے تھے کہ بدقسمتی سے کار وڈھ کے قریب قومی شاہراہ پر کھڑے کرین سے ٹکرا گئی۔وزیر اعلیٰ بلوچستان عبدالقدوس بزنجو،
سینئر صوبائی وزیر محمدصالح بھوتانی، وزیرداخلہ میر ضیاء اللہ لانگو، سابق وزیر اعلیٰ اور رکن صوبائی اسمبلی جام کمال خان، ایم این اے محمداسلم بھوتانی،شہزاد بھوتانی،ایس ایس پی لسبیلہ محمد ایوب اچکزئی اور دیگر نے سانحہ وڈھ پر سوگوار خاندانوں سے تعزیت،ہمدردی اور یکجہتی کا اظہارکیاہے۔تفصیلات کے مطابق ہفتے اور اتوار کی درمیانی شب کوئٹہ سے لسبیلہ آنے والے 6 پولیس کے جوان وڈھ کے قریب ٹریفک کا المناک حادثہ میں شہید ہوگئے پولیس اہلکار کوئٹہ میں اپ گریڈ کورس کے سلسلے میں گئے تھے اور عیدالفطر کی چھٹیوں کی سلسلے میں کار میں اپنے آبائی شہر بیلہ آرہے تھے کہ بدقسمتی سے کار وڈھ کے قریب قومی شاہراہ پر کھڑے کرین سے ٹکرا گئی،جس کے نتیجیمیں عبدالمجید،دھنی بخش،نواز علی، محمد اسلم، عبدالجبار، طلاالخیر شامل ہیں،نواز علی، دھنی بخش، عبدالجبارکا تعلق بیلہ کے نواحی علاقے اسحاقانی جب کہ محمد اسلم اور عبدالمجید جوکہ دونوں قریبی رشتے دار ہیں اور ان کا تعلق بیلہ کے مضافاتی علاقے سرینواری سے ہے۔اور طلحہ الخیر رونجھو کا تعلق بھی بیلہ سے ہے۔رات گئے جب یہ خبر بیلہ پہنچی تو ہر آنکھ نم اور ہر شخص سوگوار ہوگیا۔دریں اثناء وزیر اعلیٰ بلوچستان عبدالقدوس بزنجو، سینئر صوبائی وزیر صالح بھوتانی، وزیرداخلہ میر ضیاء اللہ لانگو، سابق وزیر اعلیٰ جام کمال خان،ایم این اے محمداسلم بھوتانی،شہزاد بھوتانی،ایس ایس پی لسبیلہ محمد ایوب اچکزئی اور دیگر کا سانحہ وڈھ پر سوگوار خاندانوں سے تعزیت،ہمدردی اور یکجہتی کا اظہار کرتے ہوئے کہا ہے
اللہ تعالیٰ مرحومین کی مغفرت فرمائے اور سوگوار خاندانوں کو یہ ساں حہ عظیم حوصلے کے ساتھ برداشت کرنے کی توفیق عطا فرمائے۔وزیراعلء بلوچستان میر عبدالقدوس نے وزیراعظم پاکستان شہباز شریف سے اپیل کی ہے کہ مین RCD قومی شاہراہ کوئٹہ ٹو کراچی کو دو رویہ بنانے کے منصوبے پر عملدرآمد تیز کر کے اسے جلد مکمل کیا جائے۔
