لاہور(این این آئی)لاہور میں ہونے والے پاکستان اور نیوزی لینڈ کی ٹیموں کے درمیان ٹی ٹونٹی میچز سے قبل نشتر پارک سپورٹس کمپلیکس کو فیروزپور روڈ اور لبرٹی آمدورفت کے لئے بند کردیا گیا۔نشتر سپورٹس کمپلیکس میں تمام ریسٹورنٹ بھی بند کروادیئے گئے۔پنجاب پولیس کے جوانوں نے قذافی سٹیڈیم کی سکیورٹی کا چارج سنبھال لیا، سیریز کی تیاریاں عروج پر پہنچ گئی ہیں۔ٹی ٹظنٹی سیریز سے قبل قذافی سٹیڈیم کے تمام انکلیوژرز کی صفائی دھلائی یقینی بنائی جا رہی ہے۔ایل ڈبلیو ایم سی ورکنگ پلان کے مطابق قذافی سٹیڈیم کے تمام انکلیوژرز کی صفائی 13 اپریل تک مکمل کر لی جائے گی۔پلان کے مطابق 190 سینٹری ورکرز، 22 سپروائزر اور 20 آفیسرز سٹیڈیم کی اندرونی اور بیرونی صفائی کے لیے تعینات کیے گئے ہیں۔پاکستان اور نیوزی لینڈ کا ٹی ٹونٹی سکواڈ جمعرات کے روز پریکٹس سیشن میں حصہ لے گا، پاکستان اور نیوزی لینڈ کے درمیان پہلا ٹی ٹونٹی میچ 14 اپریل کو قذافی سٹیڈیم میں کھیلا جائے گا۔