ممبئی (این این آئی)بالی وڈ کے مایہ ناز اداکار گووندا اور ان کی اہلیہ سنیتا آہوجا کے درمیان ایک بار پھر طلاق کی خبریں زیرِ گردش ہیں۔کئی ماہ بعد اب دو روز قبل جمعہ کو انٹرنیٹ پر ایک بار پھر گووندا اور سنیتا کی طلاق سے متعلق باتیں ہونے لگیں، یہ حال ہی میں اس وقت شروع ہوا جب سنیتا نے یوٹیوب پر اپنے جذباتی وی لاگ میں طلاق کی افواہوں پر لب کشائی کی۔سوشل میڈیا پر والدین کی طلاق کی افواہیں ایک بار پھر سامنے آنے کے بعد جوڑے کی بیٹی ٹینا آہوجا خاموش نہ رہ سکیں۔

ٹینا نے ان افواہوں کو مسترد کردیا، انہوں نے کہا کہ یہ سب محض افواہیں ہیں اور ان میں کوئی صداقت نہیں، میں ان افواہوں پر دھیان نہیں دیتی۔جب ٹینا سے سوال کیا گیا کہ ان کے والدین(گووندا اور سنیتا)خود سے متعلق ان افواہوں کا سامنا کیسے کرتے ہیں تو اداکار کی بیٹی نے جواب دیا ‘میں اب کیا بولوں، میرے والد ملک میں بھی نہیں ہیں۔انہوں نے مختصر سے انٹرویو میں مزید کہا کہ میں خوش قسمت ہوں کہ مجھے اتنی خوبصورت فیملی ملی، اور میں میڈیا سمیت مداحوں اور چاہنے والوں کی تمام تر تشویش، محبت اور حمایت کے لیے بھی شکر گزار ہوں۔واضح رہے کہ جمعہ کی شب گووندا کو ممبئی ائیرپورٹ پر دیکھا گیا تھا۔Hauterrflyکی رپورٹ کے مطابق، سنیتا آہوجا نے 5 دسمبر 2024 کو باندرہ فیملی کورٹ میں طلاق کے لیے درخواست دائر کی تھی۔ عدالت نے گووندا کو طلب کیا لیکن وہ حاضر نہیں ہوئے، بعدازاں انہیں مئی 2025 میں شو کاز نوٹس جاری کیا گیا۔