اسلام آباد (نیوز ڈیسک) عالمی منڈی میں تیزی کے بعد پاکستان میں بھی سونے کی قیمتوں نے نئی بلندیوں کو چھو لیا ہے اور آج بھی مقامی بازاروں میں نرخوں میں نمایاں اضافہ دیکھا گیا۔

بین الاقوامی مارکیٹس میں اضافے کے اثرات مقامی سطح پر واضح طور پر محسوس کیے گئے، جہاں سونے کے ساتھ ساتھ چاندی کی قیمتوں میں بھی خاطر خواہ اضافہ ریکارڈ کیا گیا۔ملک میں فی تولہ سونے کی قیمت 10 ہزار روپے بڑھ کر 5 لاکھ 50 ہزار 562 روپے تک جا پہنچی، جبکہ 10 گرام سونا 8 ہزار 574 روپے اضافے کے بعد 4 لاکھ 72 ہزار 18 روپے میں فروخت ہو رہا ہے۔عالمی سطح پر فی اونس سونے کی قیمت 100 ڈالر اضافے کے بعد 5 ہزار 278 ڈالر تک پہنچ گئی۔

ادھر پاکستان میں چاندی بھی مہنگی ہو گئی ہے اور فی تولہ چاندی کی قیمت 388 روپے اضافے کے ساتھ 9 ہزار 862 روپے ہو گئی ہے۔