اسرائیلی حملوں کے شکار فلسطینی عوام کیلئے خصوصی پیغام

لاہور ( این این آئی) اسرائیلی افواج کی جانب سے فلسطینی عوام پر تشدد کے بعد پاکستان کرکٹ ٹیم کے فاسٹ بولر شاہین شاہ آفریدی نے اظہارِ ہمدردی کا پیغام جاری کردیا۔شاہین شاہ آفریدی نے اس حوالے سے سوشل میڈیا پر بہت ہی معنی خیز اور خوبصورت انداز میں اپنے جذبات کی ترجمانی کی۔شاہین شاہ آفریدی نے لکھا کہ مومن ایک جسم کی طرح ہوتے ہیں، اگر جسم کا کوئی حصہ ٹھیک نہیں ہو تو پھر سارا جسم اس تکلیف کو محسوس کرتا ہے، ہم بار بار مسجدِ اقصی میں ہونے والے ظلم کو محسوس کر سکتے ہیں۔انہوں نے لکھا کہ اللہ تعالی فلسطینی عوام کی مشکلات آسان فرمائے، آمین۔یاد رہے کہ فلسطینی شہر غزہ میں کئی دھماکے سنے گئے تھے اور اسرائیلی فوج نے غزہ کی پٹی پر حملے کی تصدیق کی تھی۔اس سے قبل 5اپریل کو اسرائیلی فورسز نے مسجد اقصی پر حملہ کر دیا تھا جس کے نتیجے میں 12فلسطینی زخمی ہوگئے تھے جبکہ اسرائیلی پولیس نے 350 سے زائد فلسطینیوں کو حراست میں لے لیا تھا۔