اسلام آباد(این این آئی) ایف آئی اے نے فرح گوگی کے خلاف منی لانڈرنگ کی تحقیقات میں عدم پیشی پر عدالت سے جاری وارنٹ گرفتاری ملزمہ کے ملازم کے حوالے کردیا جبکہ تحقیقاتی ادارے نے انٹرپول کے ذریعے سابق خاتون اول بشری بی بی کی قریبی دوست کو گرفتار کر کے پاکستان لانے کا فیصلہ کیا ہے۔
نجی ٹی وی کے مطابق عدالت سے جاری کئے گئے وارنٹ گرفتاری لے کر ایف آئی اے کی ٹیم فرح گوگی کے گھر پہنچی جبکہ فرح گوگی اپنے خلاف جاری تحقیقات سے بچنے کیلئے ملک سے پہلے ہی فرار ہے۔ذرائع کے مطابق فرح گوگی کے ملازم نے وارنٹ گرفتاری وصول کئے، عدالت نے ملزمہ کے ناقابل ضمانت وارنٹ گرفتاری منی لانڈرنگ کے مقدمہ میں شامل تفتیش نہ ہونے کی بنیاد پر جاری کئے۔ذرائع کے مطابق فرح گوگی کیخلاف منی لانڈرنگ کے ناقابل تردید ثبوت ایف آئی اے نے حاصل کر لئے ہیں، فرح گوگی نے کرپشن، رشوت ستانی اور غیر قانونی سیاسی اثر و رسوخ و دبا کے ذریعے اربوں روپے کمائے اور پھر منی لانڈرنگ کے ذریعے اثاثہ جات بنائے۔ذرائع کے مطابق کہ فرح گوگی نے سرکاری افسران پر دبا کے ذریعے ٹھیکہ جات غیر قانونی طور پر دلوانے کی مد میں بھی کروڑوں روپے بطور رشوت لئے، تحقیقات کے دوران فرح گوگی کے نام پر اربوں روپے کے بینک اکانٹ ملنے کا بھی انکشاف ہوا ہے۔
