رواں سال 14.34 روپے یونٹ تک فیول ایڈجسٹمنٹ چارجز وصولی کا انکشاف

اسلام آباد( آن لائن)بجلی صارفین سے رواں سال 14 روپے 34 پیسے فی یونٹ تک فیول ایڈجسمنٹ چارجز وصول کیے جانے کا انکشاف ہوا ہے جبکہ رواں سال مار چ سے اکتوبر تک ملک بھر کے تمام صارفین سے بجلی کے بلوں میں یہ وصولی ہو تی رہے گی۔ بجلی کے صارفین سے رواں سال 14 روپے 34 پیسے فی یونٹ تک فیول ایڈجسمنٹ چارجز وصول کیے جانیکا انکشاف ہوا ہے اس حوالے سے وازرت توانائی نے نیپرا کو گائیڈ لائنز بھجوا دی ہیں۔دستاویز کے مطابق 200 یونٹ استعمال کرنے والیصارفین 10 روپے 34 پیسے جبکہ 201 سے 300 یونٹ استعمال کرنے والے صارفین سے 8 ماہ میں 14 روپے 24 پیسے فی یونٹ سرچارج وصول کیا جائے گا۔اسکے علاوہ کسانوں سے 8 ماہ میں 9 روپے 90 پیسے جبکہ کراچی کے شہریوں سے 13 روپے 87 پیسے فی یونٹ تک فیول پرائس سرچارج وصول کیا جائے گا۔ دستاویز میں مزید بتایا گیا ہے کہ مارچ سے اکتوبر تک 50 پیسے سے 3 روپے فی یونٹ تک سرچارج عائد ہو گا کیونکہ فیول پرائس ایڈجسمنٹ چارجز کا نفاذ سر کلر ڈیٹ مینجمنٹ پلان کا حصہ ہے۔ چارجز کی وصولی کی منظوری نیپرا سے لی جائے گی اور یکم مارچ سے وصولی شروع ہوجائے گی۔

موضوعات:بجلی صارفین