راولپنڈی (مانیٹرنگ، این این آئی)مسلم لیگ (ن)کے راولپنڈی کے ورکرز کنونشن میں پارٹی کی چیف آرگنائزر مریم نواز نے سینئر رہنما و سابق وزیراعظم شاہد خاقان کو اپنی جگہ مرکزی نشست پر جگہ دیدی۔اتوار کو شاہد خاقان عباسی ورکرز کنونشن میں اسٹیج پر آئے تو وزیر داخلہ رانا ثنا اللہ کی برابر نشست پر بیٹھنے لگے تو مریم نواز نے اس موقع پر ان کا ہاتھ پکڑا لیکن وہ رانا ثناء اللہ کی برابر والی نشست پر بیٹھ گئے لیکن مریم نواز نے اصرار کرکے انہیں اپنی نشست پر بٹھا دیا۔مریم نواز نے اصرار کر کے شاہد خاقان عباسی کو مرکزی نشست پر جگہ دی اور خود ان کے ساتھ والی کرسی پر بیٹھ گئیں۔