ملتان (مانیٹرنگ ڈیسک) پی ایس ایل 8 کے چھٹے میچ میں کراچی کنگز نے ٹاس جیت کر پہلے فیلڈنگ کرنے کا فیصلہ کیا، کوئٹہ گلیڈی ایٹرز کی جانب سے جیسن رائے اور عبدل بنگلزئی کوئی رنز نہ بنا سکے، عمراکمل نے 4، سرفراز احمد نے 5، افتخار احمد نے 32، محمد نواز نے 3 رنز بنائے، مارٹن گپٹل نے شاندار 117 رنز بنائے اور آخری بال پر آؤٹ ہو گئے، اس طرح مقررہ بیس اوورز میں کوئٹہ گلیڈی ایٹرز نے 7 وکٹوں کے نقصان پر 168 رنزبنائے اور کراچی کنگز کو جیتنے کے لئے 169 کا ہدف دیا۔کراچی کنگز کی جانب سے عماد وسیم اور عامر یامین نے تین، تین جبکہ محمد عامر نے ایک کھلاڑی کو آؤٹ کیا۔ کراچی کنگز کی جانب سے شرجیل خان اور حیدر علی کوئی رنز نہ بنا سکے، جیمز وینس نے 22، میتھیو ویڈ نے 15، عماد وسیم نے 5 رنز بنائے جبکہ شعیب ملک نے ناٹ آؤٹ شاندار 71 رنز بنائے اور عرفان خان بھی 37 رنز کے ساتھ ناٹ آؤٹ رہے، اس طرح مقررہ اوورز میں کراچی کنگز پانچ وکٹوں کے نقصان پر صرف 162 رنز بنا سکی۔

موضوعات:کراچی کنگز