شاہین آفریدی نے فٹنس پر اٹھنے والے سوالات کو بے بنیاد قرار دیدیا

16  فروری‬‮  2023

کراچی(این این آئی)لاہور قلندرز کے کپتان شاہین شاہ آفریدی نے اپنی فٹنس پر اٹھنے والے سوالات کو بے بنیاد قرار دے دیا۔بائیں ہاتھ کے ٹیسٹ فاسٹ بولر شاہین شاہ آفریدی نے کہاکہ وہ مکمل طور پر فٹ ہیں اور انہیں فٹنس کے حوالے سے کوئی مسئلہ درپیش نہیں۔خصوصی گفتگو کرتے ہوئے 22 سالہ شاہین شاہ آفریدی نے کہاکہ

لاہور قلندرز کی ٹیم کے حوصلے ملتان سلطانز کے خلاف فتح کے بعد خاصے بلند ہیں۔انہوں نے کہا کہ عاطف رانا اور ثمین رانا کے بھرپور تعاون کا مشکور ہوں جبکہ عاقب جاوید کا بطور کپتان اعتماد میرے لیے بہت معنی رکھتا ہے۔شاہین شاہ آفریدی نے اپنی فٹنس کے بارے میں سوال پر بتایاکہ عاطف بھائی نے ہاکی اسٹیڈیم بلایا جہاں قومی کھیل ہاکی کے لیے میرا جانا بہت ضروری تھا، وہاں سے واپسی پر مجھے ٹیم کی پریکٹس پر جانا تھا، جہاں ساتھی کھلاڑیوں کے ساتھ فٹ بال کھیلنے کے بعد میں نے نیٹ پر پریکٹس نہیں کی، جس کے بعد میری فٹنس پر باتیں ہونے لگیں بس اتنی سی بات ہے۔انہوں نے کہاکہ مجھے معلوم ہے کہ ٹیم کو میری ضرورت ہے اور مجھے اس بات کا بخوبی اندازہ ہے۔شاہین شاہ آفریدی نے کہا کہ شاہد آفریدی ان کے لیے بڑی اہمیت رکھتے ہیں، ان سے بہت کچھ سیکھا ہے۔ لالہ جتنے اچھے کرکٹر رہے اتنے بڑے انسان بھی ہیں۔انہوں نے مزید کہا کہ محمد عامر کا بابر اعظم کے متعلق کہنا کہ وہ اور ٹیل اینڈرز کے خلاف گیند کرنا ایک جیسا ہے، سمجھ نہیں آیا۔ بابر اعظم ایک ورلڈ کلاس بیٹر ہے، لوگ اسے کھیلتا دیکھنا چاہتے ہیں۔شاہین شاہ آفریدی نے کہا کہ ماضی میں پاکستان سپر لیگ (پی ایس ایل)کے میچ میں سرفراز احمد کے ساتھ ان کی تلخی آج بھی ان کے لیے ایک افسوسناک لمحہ ہے۔لاہور قلندرز کے کپتان نے کہا کہ انہوں نے سرفراز احمد سے تب بھی معافی مانگی تھی اور آج بھی وہ ان سے معافی مانگتے ہیں،

ایسا نہیں ہونا چاہیے تھا۔شاہین شاہ آفریدی نے کہا کہ پاکستان سپر لیگ میں تمام ٹیمیں اچھی ہیں، جہاں تک لاہور قلندرز کا تعلق ہے، ہم اعزاز کا دفاع کرنے میں سر دھڑ کی بازی لگا دیں گے۔شاہین شاہ آفریدی نے کہا کہ قذافی اسٹیڈیم لاہور میں اہلیان لاہور ہمیں بھرپور انداز میں سپورٹ کرنے میدان میں آئیں گے تو ہمارا حوصلہ بڑھے گا۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…