ہنزہ (این این آئی) ہنزہ میں اسسٹنٹ کمشنرسب ڈویژن گوجال نے مبینہ طور پرڈسکائونٹ نہ ملنے پر ریسٹورنٹ سیل کردیا جبکہ انتظامیہ نے موقف اپنایا ہے کہ ہوٹل گیس ہیٹر چلانے پر ایک روز کیلئے سیل کیا گیا ہے ۔سوشل میڈیا پر وائرل ویڈیومیں دیکھا جاسکتا ہے کہ اسسٹنٹ کمشنر اپنی ٹیم کو ریسٹورنٹ سیل کرنے کی ہدایات دے رہے ہیں،اس دوران خاتون مالک کی آواز آتی ہے کہ سر آپ نے کل ڈسکائونٹ مانگا تھا، ہم نے ڈسکائونٹ نہیں دیا اسی لئے آپ آج آئے ہیں۔جواب میں اسسٹنٹ کمشنر نے کہا کہ ہم آپ کے ڈسکائونٹ پرلعنت بھیجتے ہیں، ہم نے پورے پیسے دیئے ہیں۔مالکان کی جانب سے کھانے کے بل میں رعایت نہ دینے پرریسٹورنٹ سیل کیے جانے کے الزام پر انتظامیہ نے موقف دیا کہ ہوٹل کو گیس ہیٹراستعمال کرنے پر سیل کیا گیا ہے اور ریسٹورنٹ کو ایک دن بعد کھول دیا جائیگا۔