اسلام آباد (این این آئی)قومی اسمبلی سیکرٹریٹ نے سی ڈی اے کو مستعفی پی ٹی آئی ارکان سے لاجزخالی کرانے کیلئے خط لکھ دیا۔تفصیلات کے مطابق پی ٹی آئی ارکان کے استعفوں کے بعد قومی اسمبلی سیکرٹریٹ ارکان سے لاجزخالی کرانے کیلئے متحرک ہوگیا ہے۔قومی اسمبلی سیکرٹریٹ نے سی ڈی اے کو خط لکھ دیا ہے جس میں مستعفی پی ٹی آئی ارکان سے لاجز خالی کرانے کی ہدایت کی گئی ہے۔ذرائع کے مطابق پی ٹی آئی ارکان کورہائش گاہیں خالی کرانے کیلئے ایک ہفتے کی مہلت دیدی گئی ہے، اور پارلیمنٹ لاجز میں مستعفی ارکان کو بقایاجات کی فوری ادائیگی کیلئے نوٹس جاری کرنے کا فیصلہ کیا گیا ہے۔